131 態度

可按下圖片放大！

「唔該你wor攝影師，你好專業wor！」
「唔好咁講，專業就完全唔敢當！我都係業餘既，對攝影有D興趣咁既啫，我都未曾多謝世伯比機會我呢D後輩實習。」
「唔係呀，我硬係覺得你影相果陣有種專業精神wor，好少有咖！我見你只係幫手，都搏到咁盡走來走去又爬高又盛，搞到滿頭大汗，辛苦你呀今日。」
「唔好咁客氣喇世伯，恭喜你地今日大喜之日，影番張相先喇！」
「好呀好呀！唔該你呀！」

咔擦咔擦咔擦……眼睛，並不懂得說謊，透過照相機的觀景器，讓我清楚明白你的說話。世伯，多謝你。



專業之於我心中，是一種態度，而不是價值不菲的器材。但奈何我對於被稱為攝影師，總有種抗拒感，原因不明，又或許，這種抗拒，是源自我有「自知之明」。

習慣了每次為朋友拍攝婚宴相片完畢之後，如果時間許可的話，我會挑選幾張漂亮的相片放成 8 x 12 吋大連同相框，送給主人家，這是一種誠意。

拿起照相機的當兒，就得同時拿出你的「心」來拍攝。


圖片：攝於香港。半島酒店