195 齊來‧派對

可按下圖片放大！

（派對 1）
有一日，有個黎自城市o既女仔，路過一個森林。呢個女仔，可能o係城市生活得太耐，覺得生活無o羊驚喜又無o羊挑戰性，所以決定要留o係呢個森林度過番晚夜，o甘個女仔就好自然係森林果棵蘋果樹下面o既草地休息。


o係迷迷糊糊之間，有一陣o吾知邊度吹o黎o既風，將呢個女仔吹醒o左，o甘同一時間，佢見到一個蘋果就出現o係樹下面o既草地，個女仔無理到個蘋果就繼續休息。隔o左無幾耐，個女仔又o係半夢半醒之間見到多o左隻大蜘蛛企o係個蘋果側邊，佢就好奇兼手多多o甘執起條樹枝挑撥下呢隻大蜘蛛，可能係因為呢個女仔近視好深而又無戴眼鏡o既關係，佢根本唔知道原來有好多蟻仔一直都圍住呢隻大蜘蛛同蘋果身邊，基於「蟻仔覓食果時邊個搞亂檔一定有殺無賠」o既大自然定律，D 蟻仔好快o甘就沿著支樹枝衝向呢個女仔報仇雪恨。o甘o吾使多講，當呢個女仔清醒之後，就梗係搞到「周身蟻」o拉。


自呢件事「揚」o左開去之後，城市同森林就走o左好多蛇呀鼠呀獅子呀老虎呀貓呀狗呀o甘出o黎評道理。


忽然之間，o係城市o既天空之中，出現o左一段o甘o既對白：「鬼叫『出得街就預o左俾人非禮』的邏輯那麼盛行。Blog的純真年代，是徹底過去了。除了保護自己多一點, 除了白唇費舌講道理, 也不知道可以怎樣。（by 思存）」


之後，轟轟隆隆~~ 個天突然間行雷閃電，風雨交加，鏡頭由城市o既天空Pan 翻入去森林，重見到o係頭先搞到人「周身蟻」果棵蘋果樹上面，無緣無故掛o左條白布o係度，重好似鬼手o甘向我呢邊飄o下飄o下，隱隱約約，可以見到布上面係寫住：「呢個女仔憑甚麼不設防啊？她憑甚麼不能受到傷害？憑甚麼？是因為她單純啊？她傻？你為甚麼要讓她傻到底？生活要求她必須要聰明起來。作為一個人，你不讓她知道生活的真相，那就是欺騙。什麼叫大惡？欺騙就是大惡。（《天下無賊》劉德華對劉若英說，氣她硬要保護傻根的對白。）」


派對，從此沒完沒了。



（派對 2）
對於一些無困難時選擇做忍者，而只是有困難時才現身的人，我會選擇跟你們的做法剛剛相反，當你有困難時我會做番忍者。


一時三刻沒發言並不代表我沒有保育意識，我的保証就是24小時內一定可以將大小保育事件淡忘，同時，亦希望大家也能在24小時內選擇一起忘記。因為，新一輪的保育項目，即將和從前的以同一樣面貌、同一樣形式、同一樣結局不斷再出現。派對，從此沒完沒了。



比D面好喎，老友！


2007年8月20日：加上紅色字體段落。


圖片：攝於香港 （記cyber bullying‧記保育。）