455 無言的結局

可按下圖片放大！

曾經是對你說過　這是個無言的結局
隨著那歲月淡淡而去
我曾經說過如果有一天
我將會離開你　臉上不會有淚滴
——《無言的結局》李茂山‧林淑容




「喂！你好呀！無咩特別嘅，我地係『香港健康乳房中心』打嚟……阻你少少時間。」

「請講。」

「喂！小姐你好呀！」

「你點解有我電話嘅？」

「無，因為小姐之前嚟過我地中心做美容，留低過電話，你放心啦，我地只係介紹番D優惠比你啫！」

「哦！好呀，我啱線正想揾你地！」

「係呀！咁有咩幫到小姐你呀？」

「我呢……其實呢……你地接聽電話會唔會有同事偷聽到，我有D唔好意思講噃！」

「唔怕！我地坐D位有隔音同我地係用headphone聽嘅，你可以放心講！」

「哦！明白晒！我呢……其實呢……之前我去左第間中心整過個胸，只係整番細小小之嘛，
果個醫生都話好安全……點知近來好似有D唔正常。」

「哎喲！咁點唔正常法呀？睇下幫唔幫到你？」

「其實呢……啫咁呢……今朝照鏡果時呢，我發現我左邊乳房變左『警鐘型』，而右邊係『竹荀型』呀！我而家好驚呀……」

「唔使驚唔使驚！我地有方法搞番好佢，一係咁喇，你直接上嚟我地中心先詳細傾，
或者而家同小姐對番D資料先，小姐嘅全名係……？」

「你又話我留低過資料嘅，重要對咩噃？」

「啫係咁嘅，為左保護小姐你嘅私隱，我地電腦只係睇到小姐你個電話號碼，所以……」

「你乜資料都無，咁又點叫對呢？」

「哦，啫咁嘅……公司規定我地都無辦法，咁小姐中文全名係……？」

「姓鄭，叫遇靈，遇難個遇，靈魂個靈，即係遇難嘅靈魂，清唔清楚？重有呀，係先生呀！」

「吓？鄭遇靈先生？小姐你可能有D誤會喇！我地係要小姐你自己嘅資料呀！」

「我咪鄭遇靈先生囉，遇難嘅靈魂嘛，無錯呀！」

「唔係呢，小姐頭先話個乳房有事……er……」

「男人重二百幾磅有乳房有幾奇呀？你小學無讀過健康教育咩？咁而家重對唔對資料呀？」

「er……咁喇呀鄭生，你個case呢……我地會交畀另外嘅同事跟進，咁唔打搞呀鄭生你咁耐喇……拜拜！」




故意留白了對話間的處境形容，增加一點想像空間。

誰才是真正遇難的靈魂？




也許我會忘記　也許會更想你　也許已沒有也許……

RTHK《鏗鏘集》「美麗無罪」 2010-08-15




圖片：攝於香港。西九文化區