082 自我吞食

可按下圖片放大！

用流行音樂批判流行的社會意識形態
就如同用自己的右手抽打自己的左臉
抽打的力度受著人體結構的自我限制彷彿在隔靴搔癢

忘我的去批判
流行嘲弄流行

窮盡奶力抽打
自我吞食自我

這似乎是
永遠逃不過的宿命
沒始沒終



歌曲：《吞食我》—— 噔哚 請按這裡


CHORUS ×2
終於嚟到終結 總係心聲毀滅 想講嘅 唔想講嘅
無奈就係一句歡迎嚟到吞食我嘅城市 我嘅生活 我嘅詩詞


今天獨自喝醉 只因無言以對
仿佛看到世人融入現世唯我獨醉
空虛嘅淚水唔知如何表達 苦笑定係扮演垂淚
心感城市樂章 被毀滅嘅恐懼
眼見製造噪音嘅混混繼續埋堆
我嘅聽覺疲累 歷盡風霜嘅城市更加疲累
夢中童話被現實同化 銅臭被我吹走還有污垢
塞住同道人嘅通道 任由井底嘅富人擔當東道
同樣無人聽到我嘅申訴 只能無時同我離唔開嘅影子傾訴


CHORUS ×2


身光頸靚嘅富牛跟住隨波逐流
成為文化嘅恥辱 重敢跟住節奏放肆搖頭
你要表達如何如何承受社會擠迫 家庭壓力
但係你嘅身世如何放低你嘅高貴
扮一隻膾炙人口 嘅門口狗 喺度亂吠
因為俗世嘅問題 冇財冇勢嘅顯得理虧
有人呼喊：我重有理想！我重有方向！
我舉腳支持但你呢餐請先埋單結賬
試想市面跟風嘅思想繼續惡性循環擴張
往後冇眼屎乾淨盲嘅日子流流長
如果唔將流行逼到絕路
我嘅城市 只係一幅永遠無稽嘅假像


當一群少年繼續沉迷虛榮嘅美麗
當一班冇建設嘅廢X繼續做指揮
當代表城市嘅聲音質素越來越低
當我真正嘅生活態度畀流行摧毀
真正嘅虛假終於出世 我亦跟隨詩句永藏地底

歌曲來自中國廣州的地下樂隊——《噔哚》


【噔哚】源自粵語俚語「霉噔哚」，意為倒楣透頂，讀音dum due。




圖片：攝於香港。香港會議展覽中心